არის რაღაც ძალიან განსაკუთრებული ხეში და ეს ჩვენს წინაპრებსაც კარგად ესმოდათ. ხეს შეუძლია ცეცხლის დანთება, იარაღის გალესვა, იყენებენ სახლის, ნავებისა და ავეჯის დასამზადებლად. დღემდე, ის ყველაზე პოპულარული გადაწყვეტაა ინტერიერისთვის, კონსტრუქციისა და კედლის პანელებისთვის. დღეს, ბევრი ადამიანისთვის თანამედროვე ინტერიერი ხის ავეჯთან და დეკორატიულ ნივთებთან ასოცირდება. ძალიან გავრცელებულია ხისგან დამზადებულ აქსესუარების გამოყენება როგორც მისაღებ ოთახსა და საძინებელში, ასევე, სამზარეულოსა და აბაზანის ინტერიერშიც. ბლოგში გაგიზიარებთ 5 მიზეზს, თუ რატომ არის ხე ასეთი პოპულარული.

Მიმზიდველობა

ეს შეიძლება ძალიან მარტივად ჟღერდეს, მაგრამ ხის ავეჯი საუკეთესო არჩევანია, რადგან ის უბრალოდ, კარგად გამოიყურება. ხე ადამიანს ბუნებაში ყოფნის განცდას უქმნის, ოთახს კი, ორგანულობასა და პრაქტიკულობას სძენს; გამოირჩევა ფერთა გრადაციით – მკვეთრი ფერიდან, მაჰოგანისა და მკრთალ კრემისფრამდე. ღრმად შეფერილი, მკვეთრი ფერის ხე, ნებისმიერ ოთახში, დახვეწილობისა და ხარისხის განცდას აჩენს, ღიად შეფერილი კი ჰაეროვნებისა და მხიარულების.

გამძლეობა

თუ გსურთ, რომ ავეჯი დიდი ხნის მანძილზე დარჩეს თქვენი სახლის ინტერიერში, ხარისხის თვალსაზრისით, არჩევანი ხეზე უნდა შეაჩეროთ, მისი დამზადება კი, პროფესიონალ ხელოსანს ანდოთ. პერიოდულად, ავეჯის პირვანდელი იერის განსაახლებლად გაპრიალება, ცვილისა და ზეთის წასმა კი, მარტივია, ეს თავადაც შეგიძლიათ გააკეთოთ.

Მრავალმხრივობა

ესთეტიკური თვალსაზრისით, ხის მრავალმხრივობაზე არავინ დავობს. არა აქვს მნიშვნელობა, თქვენი სახლის ინტერიერი თანამედროვე, თუ კლასიკურ სტილშია გადაწყვეტილი, ხე ყველა ინტერიერის დიზაინს ჰარმონიულად ერწყმის. მაგალითად, ღია ფერის ხის სამზარეულოს მაგიდა მინიმალისტური დიზაინის ერთ-ერთი ატრიბუტია, საშუალო, წითელი ტონალობის ყავის მაგიდა იდეალურად აბალანსებს დეკორს, ხოლო მუქად შეფერილმა საძინებელმა კი, შესაძლოა, თქვენი სახლი უფრო მეტად ელეგანტური გახადოს.

სტრესის შემცირება

Society of Wood Science-ის კვლევებით დასტურდება, რომ ადამიანები, განსაკუთრებით, ხის ავეჯს ანიჭებენ უპირატესობას. მკვლევრებმა დაადგინეს, რომ ხის ნებისმიერი დიზაინის ინტერიერში გამოყენება ჯანსაღი და ჰარმონიული გარემოს შექმნას უწყობს ხელს. ხის ავეჯით გადაწყვეტილ ოთახებს, ხშირად, მოიხსენიებენ როგორც თბილს, კომფორტულს, ნატურალურსა და მიმზიდველს. ეს კი ყველა ის ემოციაა, რომელიც სტრესისა და შფოთვის შემცირებას უწყობს ხელს და ზოგადად, გამოჯანმრთელების პროცესზე დადებითად აისახება.

Მდგრადი განვითარება

ხარისხიანად დამზადებული ხის ავეჯი ეკოლოგიურად ყველაზე გონივრული არჩევანია, რომელიც თქვენი სახლისთვის შეიძლება გსურდეთ. ბუნებრივი ხე, რეალურად, ერთადერთი განახლებადი სამშენებლო მასალაა. სხვა მასალებთან შედარებით, ნახშირბადის კვალი ხის ავეჯის გადამუშავებისა და წარმოებისას საგრძნობლად მცირეა.

Ხის ავეჯი, ბევრ უპირატესობასთან ერთად, თქვენი ბიუჯეტის დასაზოგად ყველაზე გონივრული არჩევანია. თქვენ აღარ მოგიწევთ დაზიანებული ავეჯის ყოველ წელს ახლით ჩანაცვლება, რადგან ხანგრძლივი დროით დაამშვენებს თქვენი სახლისა თუ ოფისის ინტერიერს. თუ მაინც გადაწყვეტთ ავეჯის განახლებას, შეგიძლიათ თამამად გააჩუქოთ, რადგან ის ჯანსაღ იერს კიდევ დიდხანს შეინარჩუნებს.