ესპანური ინტერიერის დიზაინი ნათელი, ხმელთაშუაზღვისპირული ფერადი სტილია, რომელიც ძველი ვილების, მზიანი ეზოებისა და ძველმოდური ოჯახების შეგრძნებას აღვიძებს. სხვა დიზაინის სტილისგან განსხვავებით, ესპანური დეკორის ინტერიერში შერწყმა ბევრად მარტივია.

ესპანური სახლის ინტერიერის დიზაინი შეიცავს ზღვისპირა ფერებს: ლურჯს, მწვანეს, თეთრსა და ყავისფერს. ტერაკოტას მუქ წითელსა და ნარინჯისფერს, ესპანეთის ფერთა სქემებში, სხვა ხიბლი შეაქვს. ის იატაკისა და ჭერისთვის ფართოდ გამოიყენება. ასევე, ქვისა და კერამიკის ელემენტები ძალიან გავრცელებულია ესპანურ დიზაინში, ჭურჭელში, დამუშავებულ რკინის ნაწილებში, სასანთლეებსა და ხის გამოყვანილ პანელებში. აქცენტები მეტალზე, ასევე, ერთ-ერთი დამახასიათებელია ელემენტია ამ დიზაინში.

როგორ შევქმნათ საუკეთესო გარემო

კედლის ფერები უნდა მოიცავდეს ხმელთაშუაზღვისპირულ მუქსა და ღია ჩრდილებს, ასევე, ბუნებისთვის დამახასიათებელ ფერებს, მაგალითად:  ნაცრისფერს, მუქ ნარინჯისფერს, ყავისფერს, ლურჯს, ღრმა წითელსა და მუქ ყვითელს. მრავალი ტრადიციული ესპანური სტილის ინტერიერს აქვს ფანჯრის ხის ჩარჩოები, მოჩუქურთმებული პანელები, რკინის ფილებით დეკორირებული, ხეზე აქცენტირებული, ან მთლიანად ხისგან დამზადებული ჭერი.

რას ვიყენებთ იატაკისთვის

სრულად ხალიჩით დაფარული სივრცე იშვიათია ესპანურ ინტერიერში. უმეტესად, მთელ სახლში ერთნაირი ზედაპირი გვხვდება, გაფორმებული პატარ-პატარა და ერთი დიდი ხალიჩით. ტრადიციული ესპანური იატაკის რიგებს აქვს ნაქსოვი ელემენტები. ნეიტრალური კრემისფერი ან თეთრი ფერები ფონს ქმნის ხაზოვანი ნიმუშის დიზაინისთვის, ღია მწვანითა და ყვითელი გადაწყვეტით. ყველაზე ტრადიციული არჩევანი ესპანური სტილის სახლში ხის იატაკია, თუმცა დიზაინერებს შეუძლიათ განიხილონ სხვადასხვა ვარიანტებიც, როგორებიცაა: ნაცრისფერი, მუქი კერამიკული ან ტერაკოტას ფილები, მუქი დაბოლოებებით.

ესპანური სტილი დეტალებშია

ესპანური ინტერიერის დიზაინის აქსესუარები მოიცავს ქსოვილებს, გამოყვანილ რკინასა და ჭურჭელს. ქსოვილები შეიძლება შერწყმული იყოს დიზაინთან, ნაქსოვი, ბამბის ხალიჩებთან და ფანჯრის ნეიტრალური ფერების დაბოლოებებთან. ნაჭედი რკინის ჯოხები , შესაძლოა, გამოყენებული იყოს ფარდის დასაკიდად. იმისათვის, რომ შენი სახლის დიზაინი რკინის დეტალებს მოიცავდეს, გამოიყენე სხვადასხვა დეკორატიული ნივთები, მაგალითად: კარის აქსესურები, კარადები, კედლის სასანთლეები, ჭაღები, ბუხრის დამცავები. მრავალფეროვანი, პატარა ჭურჭელი და დიდი ლარნაკები, რომლებიც ტრადიციული სტილის შეგრძნებას აღვივებენ.

რომელი ავეჯი შეესაბამება ესპანურ სტილს?

ესპანური სტილის სახლებში ხშირად იყენებენ ტყავისა და მუქ, ფერგადასულ ხის ავეჯს. ხშირად ირჩევენ მაჰოგანს, კაკალს, აბონს, ტექსა და წითელმერქნიან ტროპიკულ ხეებს. ტრადიციული ავეჯი უზრუნველყოფს დამატებით კონტრასტს ესპანური სტილის სახლის რბილ თაღებსა და უჩვეულო არქიტექტურულ ელემენტებთან, როგორიცაა მოჩუქურთმებული ხის პანელები. აარჩიეთ ტყავის სავარძლები სწორი საზურგით, მძიმე ხის სკამები ნაქსოვი დეტალებითა და ბამბის ქსოვილებით.