ოთახის ინტერიერის მოწყობისას, ყოველთვის ყურადღებას ვამახვილებთ ძირითად ავეჯზე, როგორიცაა დივანი, ყავის მაგიდები, ხალიჩები, ფარდები, მცენარეები თუ დეკორაციები. მაგრამ არ გიფიქირიათ, რომ ინტერიერს განსაკუთრებულობისთვის კიდევ რაღაც სხვა დეტალები სჭირდება?

გიზიარებთ, დეკორაციის 5 იდეას, რომელიც, ვფიქრობთ, რომ აუცილებელია ოთახის ინტერიერის გასახალისებლად.

მკვეთრი ფერები

მართალია, თეთრი ან კრემისფერი ოთახები, ძალიან სასიამოვნოა და კომფორტის განცდას უზრუნველჰყოფს, თუმცა, ზოგჯერ, შეიძლება უსიცოცხლოდ მოგეჩვენოთ. შეეცადეთ, მონოქრომულ ფერებთან ერთად, მკვეთრი ფერის დეკორაციით შექმნათ კონტრასტი და გაამრავალფეროვნოთ როგორც მისაღები ოთახის დიზაინი, საძინებელი, ასევე, სამზარეულო.

 მცენარეები, ყვავილები და სუკულენტები

იცით, როგორ მოუაროთ მცენარეებს? თუ არა, მაშინ თქვენი სახლის ინტერიერისთვის სუკულენტების შეძენა საუკეთესო გამოსავალია. სახლის მცენარეებს სასწაულების მოხდენა შეუძლიათ. სცადეთ ტრენდული სუკულენტი, რომელიც ძალიან გამძლეა და ადვილად მოსავლელი სახლის მცენარეა.

ზოგიერთი ხელოვნური მცენარე საკმაოდ რეალისტურად გამოიყურება, თუმცა ძვირადღირებულია, ამიტომ შეიტანეთ თქვენს სახლში ბევრი ცოცხალი მცენარე. მაგალითად, მინდვრის ყვავილები ყავის მაგიდასა თუ სამზარეულოს დახლზე, ან მზიან ფანჯარასთან სახლს უფრო მყუდროს გახდის. სცადეთ. თავად დარწმუნდებით.

შავი ფერის დეკორაცია

შავი ფერი ოთახის ინტერიერის თანამედროვე და დახვეწილი გარემოს შესაქმნელად ერთ-ერთი საუკეთესო გადაწყვეტაა. თუ გრძნობთ, რომ თქვენს ოთახს რაღაც აკლია, შემატეთ ერთი დიდი ან რამდენიმე პატარა ზომის შავი ფერის დეკორაცია, იქნება ეს სურათის ჩარჩოები, მაგიდის სანათი, ფიგურები და ა.შ.

წიგნები

ძნელი წარმოსადგენია ოთახი წიგნების გარეშე. იქნება ეს წიგნები ყავის მაგიდაზე, სამზარეულოს წიგნები ან საბავშვო წიგნები მისაღებ ოთახში.

არ გაქვთ ჩაშენებული წიგნების კარადა? არსებობს უამრავი გზა ინტერიერში წიგნების განსათავსებლად. შესაძლოა, გულმოდგინე მკითხველი არ იყოთ, თუმცა წიგნები ოთახში ყოველთვის განსაკუთრებულ შეგრძნებებს იწვევს.

ხელოვნების ორიგინალური ნიმუშები

თუ თქვენი ოთახი ავეჯის შოურუმს ჰგავს, დიდი შანსია, რომ საკმარისად არ შეგიტანიათ ხასიათი და ინდივიდუალიზმი. სახლი უნდა ჰყვებოდეს ამბავს, იმაზე, თუ ვინ ცხოვრობს იქ, ამიტომ შეეცადეთ ხაზი გაუსვათ თქვენს ჰობს, ინტერესებს და დაამატოთ ფერწერული ნამუშევრები თუ პრინტები, ან ნივთები, რომლებიც საუკეთესოდ გამოხატავენ თქვენს პიროვნებასა და გემოვნებას.

ნამუშევრები არ არის აუცილებელი იყოს ძვირი. უამრავ საიტზე შეგიძლიათ იპოვოთ ცნობილი ხელოვანების პოპულარული პრინტები ხელმისაწვდომ ფასად. თქვენ მხოლოდ დრო უნდა დაუთმოთ ისეთი ნამუშევრების მოძიებას, რომლებიც “გელაპარაკებიან”. არ დაივიწყოთ ნივთები, რომლებიც ჰყვება თქვენი და თქვენი ოჯახის ისტორიას, მაგალითად, საოჯახო ვინტაჟური ფოტოები, რომლებიც თქვენს ოთახს საინტერესოსა და უნიკალურს გახდის.