სახლი აღარ არის მეტისმეტად პირადული სივრცე. მას მრავალი ფუნქციის შეთავსება შეუძლია. სახლი ადამიანთა დიდი ნაწილისთვის წარმოადგენს ვორქშოფების სივრცეს, ფილმების გადასაღებ მოედანსა და ოფისსაც კი. ამიტომ, როცა საცხოვრებლად და სამუშაოდ ახალ ადგილს შეარჩევ, წინასწარ მოიფიქრე სახლის ინტერიერის დიზაინი.
გიზიარებთ 5 რჩევას, როგორ შექმნა სახლის ისეთი თანამედროვე ინტერიერი, რომელსაც მდიდრული სტილი შეაქვს დიზაინში, გაჯერებული კლასიკურობითა და მინიმალისტური შტრიხებით.
დაამატე ხელშესახები დეტალები
გამოკვეთე მისაღები ოთახი და აბაზანის ინტერიერი დეკორატიული დეტალებით, ხელნაკეთი ნივთებითა და სხვადასხვა აქსესუარებით.
გამოიყენე ნატურალური ქვა
ამბობენ, რომ მსოფლიოში მარმარილო უფრო და უფრო პოპულარული ხდება. მაგრამ, ის უნდა იყოს გამოყენებული სწორად და მიზნობრივად და არა, როგორც უსარგებლო დეტალი.
ნათლად გამოყავი სამუშაო და გასართობი ადგილები. სახლში ოფისის ინტერიერი და დიზაინი განსაკუთრებით მნიშვნელოვანია.
Le Corbusier-მა საუკუნის წინ დაწერა, რომ სახლი არის საცხოვრებელი მანქანა და ეს მიდგომა ახლა ყველაზე აქტუალურია, რადგან სახლი იძლევა თანამედროვე ცხოვრებისთვის აუცილებელ საჭიროებებს. შექმენით სრულად განსხვავებული ინტერიერი სახლის ოფისთვის, რათა საოჯახო სივრციდან მკვეთრად გამოიკვეთოს.
მოაწყე შენი სახლი ადგილობრივი ავეჯით
საერთაშორისო კომპანიებისგან ავეჯის შეძენა დიდ ხარჯებთან და დროსთანაა დაკავშირებული. ეძებე ადგილობრივი მწარმოებლები და დიზაინერები. დროა, მხარი დავუჭიროთ ადგილობრივ დიზაინერებს, მწარმოებლებსა და ხელოსნებს. ასევე, ლოკალურ ბრენდებს, რომლებიც პოპულარულები ხდებიან და მუდმივად ვითარდებიან..
დაიმატე ნივთები აუქციონიდან
იმისათვის, რომ სახლის ინტერიერი მეტად საინტერესო იყოს, აუქციონზე ნაპოვნი ნივთების გამოყენება დღითიდღე უფრო პოპულაური ხდება. ანტიკური კომბინაცია თანამედროვე ნივთებთან, აყალიბებს იმას, რაც ტიპურია ახალი, რამდენიმე შრიანი ინტერიერისთვის. ეს ჰგავს სამზარეულოში საკვების შეხამებას: ახლის კონტრასტი, დაკონსერვებულ ან დიდხანს მოხარშულ საკვებთან, კერძის სიღრმისა და გემოს გასამდიდრებლად.
ეკლექტური კომბინაციები
მეტი დეტალი, საინტერესო, მოულოდნელი აღმოჩენები და ნაკლები მინიმალიზმი. ყველა ნივთი და ხელოვნების დარგი ინტერიერში, ხდება უფრო გამოკვეთილი. ტარიქ სკაიკი ამბობს: ‘’ჩვენ უფრო მიდრეკილნი ვართ გამოკვეთილისა და ერთნაირისკენ. იფიქრე ფორმებზე, მკვეთრ დეტალებსა და ნათელ, მოულოდნელ მასალებზე’’.
